Skip to content

The Age of Goebel AEON has arrived for the next decade

edited October 2020
想同大家分享吓過去一年 PT 套 Home System setup 嘅點滴,如果各位未去聽,搵個時間約約PT 吧,值得!
«13456720

Comments

  • 2018年11月,PT同我講,佢將會引入Riviera Lab,用一對50w class A嘅Riviera Lab AFM-50 power amp,放於家中推Goebel Epoque Speaker,initial setup後,效果有板有眼,一對「iPad」單元負責170 Hz to 31.000 Hz,可想而知,人聲可以幾咁整體、無縫,不過每邊十二隻7寸低音單元係咪咁易招呼?AFM-50 總算過關,Epoque近距離聆聽設計,有著一鼓強烈嘅包圍感,令你置身於音樂當中,十分討好,臨走的時候PT問我「你覺得有subwoofer的需要嗎?」我覺得沒有,其一是我覺得低頻已經足夠,其二是在這麼小的地方用subwoofer ,應該產生的問題比好處多,PT點點頭,然後同我講,佢要將這裏setup成一套真正的「家居」超級系統,就這樣,「希望工程」正式啟動。

  • 往後幾個月,進進出出好幾次,系統已經開始成形,扇形的舞台、闊度、深度以致音色,都達到super high end的水平,power amp由AFM-50轉了旗艦的AFM-100SE,從容得多,線材亦換好幾次,可以咁講,如果未夠班嘅線材,就肯定不能留到最後。

    我問PT係咪可以收貨?佢毫不猶豫地答,連自己都未感到震驚,點可能令人震驚?!

  • 轉捩點就喺四月,第一隻項羽到港,一隻雙12寸單元嘅subwoofer,我抱住懷疑嘅心態去試聽,結果回不了頭!

    項羽嘅工作範圍係60週以下,但所影響嘅,係全頻,包括中高頻、伸延、密度等等,不過間題黎嘞,項羽絶對不是一件plug and play,駁了就天光嘅東西,要將項羽融入系統當中,似乎要下一番苦功。

    正當我感到PT嘅調教已經不錯,可以話已經integrate咗落去套系統之際,PT就打算要加多一隻項羽,令整個超低音嘅能量達至平衡。

  • 到11月,第二隻項羽正式登場,有著第一隻項羽調教嘅經驗,馬上進入狀態,一對項羽,能交代到一般大系統都未能營造到嘅磅礡感,低頻好似海浪咁湧過黎,又自然地有鼓引力將佢拉走,好震撼,大開眼界,喺一個家居環境裡面,能夠做到一個咁龐大嘅場面,係真正嘅大場面。

    不過話需如此,我還是對於一隻或一對超低音有所保留,因為我覺得一對超低音,有點誇張,播小品樂曲時,欠了一份活潑感。

  • edited January 2020

    到今天,我相信係真正嘅successful day,經過最近一次嘅fine tune後,第一首聽嘅係聽開嘅貝多芬小提琴協奏曲,一對超低音完全隱形了,收斂超來。再聽馬勒五,樂團嘅成員清楚可見,而所有小樂器同低音樂器,並沒有互相抵觸, 當爆棚嘅時候,超低能量從容自然地推進,一放一收,乾淨俐落,沒有丁點干擾其他樂器嘅表現。最後到貝九,感染力不比神曲工作室低,除咗震驚,總可以講咩?

  • 溫馨提示,上去前最好聽聽👇這張馬五,感受必會更深!
  • Mr Dynamic,

    他的房間聲効,究竟有什麼秘密?真的能夠和神曲工作室相提並論?

    我十分之好奇!
  • edited January 2020
    Hi Jeff

    我覺得PT 家中同神曲,就好似 High end home theatre 同 cinema 嘅分別,兩種享受,要完全能夠和神曲工作室比較,就未免有點不公,論到空間感、能量嘅爆發力等等,神曲工作室都有著先天性嘅優勢,而且空間大能夠令聲音有抖氣嘅時間,這點相信細小嘅空間做不來的。

    但兩個地方同樣都要 Room Acoustic 嘅問題,相對地神曲便容易解決,但PT 家中問題就比較複雜,間隔不對等、天花板橫樑、傢俬,玻璃後牆,都係需要妥協嘅地方,而 Epoque 嘅發聲點又有別於傳統喇叭,所以都比較難拿捏,我眼見的,都是在牆角,後牆等等,放咗一d小形嘅擴散版,不過對座椅嘅要求,PT就比較執著,換了好幾次,我諗因為同喇叭距離近,聆聽高度影響很大。

    其實在細小地方聽大編制嘅樂曲係好困難,馬五同貝九就能體驗到,兩支龐大嘅樂團奏著和唱著龐大嘅樂章,無重疊、有感染力、細節交代清楚。

    但兩個地方我都有個同感,就係器材之間有種互相配合嘅感覺,好和諧,完全無賣弄什麼花拳秀腿。

  • Mr Dynamic,

    我已經約咗梁生去拜訪。這裡的討論質素高,我有心看下去。技術分析是我的不足,常聽歪理令我萬刧不服。我不是要性價比分析,而是要怎樣達到神曲工作室的効果。

    恕我直言,梁生住的是十分細的單位,究竟怎樣可以重播大型古曲音樂?
  • Mr Dynamic,

    http://www.hiendtower.com/?uid=206.0.0.0

    你同意這一篇文章的分析嗎?現在他的系統和一年前最大的分別是什麼?除了項羽 subwoofer 之外,缐材有什麼分別?
  • Hi Napoleon

    其實我對古典音樂都係一知半解,我覺得古典播得不好,通常都係沉悶、混亂、嘈吵、有壓迫感,大型編制樂章更甚,反之,能夠做到自然、優美、平衡,而深度、闊度、節奏、樂器同空間比例、能量嘅收放等等,都交代得清漬楚楚,其實古典音樂係好醉人的,高水準嘅錄音就更加好。不防帶d自己喜歡嘅音樂會上去聽聽,會有不同感受😊
  • edited January 2020

    Hi Mr Zanden


    我亦同意當時 Fred 的分析,這時候的確取得階段性嘅勝利,正當我認為可以收貨之際,除了 Epoque 同JMF 嘅骨幹成員外, Riviera 由50 換上100,Troy Sign 換上 Troy Elite 外,其他線材可以話翻天覆地,就連SRA craze 3 rack 都退下火線,換上 Falkenohr,ground cable 方面,現在係兩條Argento FMR EE 俾 JMF電處同 Riviera 前級,Dalby “曲” 放JMF 解碼,三條Dalby ode Grande 就分別俾一對項羽同CD transport,而Dalby Meda 就俾後級,喇叭線從 Stravinsky 換上La Sound Corium,前級、解碼、電處亦加上RevOpod,而最近一次音色上的突破,必然是 vertere HBS 電源線和Stravinsky AES EBU digital cable 的加入,令層次和能量嘅收放有着前所未有嘅體會。

    在技術方面, PT在每一個牆角上都裝上了 Audio Replas 的小三角,左右兩邊就放了 Audio Replas 的diffuser ,個子不大,很適合家居,項羽位置就以每1/2 寸移動去調敎。

Sign In or Register to comment.